Kabhi Kabhi...
Chai peene ka nahi...balki, kisi sadak ke kinaarey, ek chotte se theley par...Adrak ko ghiste hue...bhagoni mein chaai ko ufaante hue...Ek office ko jaane wale, ek makaan banane waale, ek college ko jaane wale...Chaai bechney ka mann karta hai...
Kabhi Kabhi...
Truck ke tyre ki awaaz se jalan hoti hai..Aur raat mein kahi door...kisi jungle ke beech...Pahaad se neeche ludhakte hue...kisi door ki jhopdi se aati roshni mein khoke....Behti hui nadi ke paani ki aawaaz mein apne truck ke tyre ki aawaaz ko sunne ka mann hota hai...
Kabhi Kabhi...
Office se lautte hue...cab ko chodd ko...2-3 kapde apne bag mein daalke...Thode se zaroori paison ke saath...apni car ko chalaate hue...Kahi door, bina kisi manzil ko nazar mein rakh ke...kisi ek sadak ko pakad ke...Kisi chotte se gaanv mein, jaha koi naa jaanta ho, na pehchaanta ho...Ek ghar ke baahar, sardi ki raat mein, kande par kuch roti aur bharta banake,khaane ka mann hota hai...
Kabhi Kabhi...
Jalti hui...sulagti hui..galion mein...dangon ke dhande mein...Behti hui baadh mein...paani ke jaise idhar se udhar beh gaye logon mein...Quake se kaanpti hui zameeen ke neeche dabi zindagi mein.... Apni zindagi ko dekhne ka mann hotta hai...
Kabhi Kabhi...
Zindagi mein sirf beh jaane ka mann hota hai...Bina kisi rok ke..bina kisi bandhan ke...Ek parinda banke udne ka mann hota hai...
Kabhi Kabhi.....
Subscribe to:
Post Comments (Atom)
Posts
6 comments:
kafi dino baad kuch pramil sa.............
Now ,I am becoming addicted to ur blogs..
Good one again...
kabhi kabhi doston se guzre zamane ki baat karte hue , us zamane ko fir se jii lena ka mann karta hai
bahut free flowing hai.....
hey I agree wit Anshul....
Badde bahut sahi likha hai.Kabhi kabhi nahi har samay yeh feeling rehti hai.Want to be free like a bird!
u r really transforming to a professional writer now...bravo yaar.
sahi kaha hai...kabhi kabhi kuch apna sa banne to jee karta hai,
kabhi kabhi sunne ka nahin bas kehne ko jee karta hai...
Post a Comment